ମହାକୁମ୍ଭରେ ସାଧୁସନ୍ଥ ଓ ଶ୍ରଦ୍ଧାଳୁମାନଙ୍କ ପାଇଁ ମାଗଣା ଚିକିତ୍ସା ସୁବିଧା

ପ୍ରୟାଗରାଜ ମହାକୁମ୍ଭରେ ଗୋଟିଏ ପଟେ ଧର୍ମ, ଆଧ୍ୟାତ୍ମିକତା ଏବଂ ଜ୍ଞାନର ଗଙ୍ଗା ପ୍ରବାହିତ ହେଉଛି, ଅନ୍ୟପଟେ ଅନେକ ସଂଗଠନ ସନ୍ଥ ଏବଂ ଭକ୍ତଙ୍କ ସେବା ପାଇଁ କାମ କରୁଛନ୍ତି। କେତେକ ସେମାନଙ୍କ ପାଇଁ ଭୋଜନ ଆୟୋଜନ କରୁଛନ୍ତି ତ ଆଉ କେତେଜଣ ସେମାନଙ୍କର ମାଗଣା ଚିକିତ୍ସାର ବ୍ୟବସ୍ଥା କରୁଛନ୍ତି।

ଏହି କ୍ରମରେ  ଆକ୍ୟୁପ୍ରେସର ଗବେଷଣା ତାଲିମ ଏବଂ ଚିକିତ୍ସା ପ୍ରତିଷ୍ଠାନ ମହାକୁମ୍ଭକୁ ଆସୁଥିବା ଲୋକଙ୍କ ମାଗଣା ଚିକିତ୍ସା ପାଇଁ ତିରିଶଟି ସ୍ଥାନରେ ଶିବିର ସ୍ଥାପନ କରିଛି। 

ମହାକୁମ୍ଭ ସମୟରେ ୩୦ଟି ସ୍ଥାନରେ ଶିବିର ସ୍ଥାପନ କରାଯିବା ଯୋଗୁଁ ଆକ୍ୟୁପ୍ରେସର ମାଧ୍ୟମରେ ଚିକିତ୍ସା ପଦ୍ଧତିକୁ ମଧ୍ୟ ପ୍ରୋତ୍ସାହିତ କରାଯାଉଛି। ଆକ୍ୟୁପ୍ରେସର ଏମିତି ଏକ ଚିକିତ୍ସା ପଦ୍ଧତି ଯେଉଁଥିରେ ଶରୀରର ବିଭିନ୍ନ ଅଂଶରେ ଚାପ ପ୍ରୟୋଗ କରି ରୋଗର ଚିକିତ୍ସା କରାଯାଏ।

ଆକ୍ୟୁପ୍ରେସର ଗବେଷଣା ତାଲିମ ଏବଂ ଚିକିତ୍ସା ପ୍ରତିଷ୍ଠାନର ନିର୍ଦ୍ଦେଶକ ଏ.କେ. ଦ୍ୱିବେଦୀଙ୍କ ଅନୁଯାୟୀ, ଏହି ପଦ୍ଧତିରେ ଚିକିତ୍ସାର କୌଣସି ପାର୍ଶ୍ୱ ପ୍ରତିକ୍ରିୟା ନାହିଁ। ଖର୍ଚ୍ଚ ବହୁତ କମ ଏବଂ ରୋଗ ମୂଳରୁ ମୂଳପୋଛ ହୋଇଯାଏ। ଏହି ପଦ୍ଧତିରେ ଚିକିତ୍ସା ଏତେ ସହଜ ଯେ ଜଣେ ବ୍ୟକ୍ତି ନିଜର ଚିକିତ୍ସା ନିଜେ କରିପାରିବେ। ରକ୍ତଚାପ ଭଳି ସାଧାରଣ ରୋଗରେ ଏହି ପଦ୍ଧତି ବହୁତ ପ୍ରଭାବଶାଳୀ ପ୍ରମାଣିତ ହୋଇଥାଏ।