ଜାନୁଆରିରେ ପହଲଗାମ, ମାର୍ଚ୍ଚରେ ପାକିସ୍ତାନ ଯାଇଥିଲେ ଜ୍ୟୋତି ମାଲହୋତ୍ରା
ନୂଆଦିଲ୍ଲୀ : ପାକିସ୍ତାନକୁ ଗୁପ୍ତତଥ୍ୟ ଦେବା ଅଭିଯୋଗରେ ଗିରଫ ହୋଇଥିବା ହରିୟାଣାର ୟୁଟ୍ୟୁବର ଜ୍ୟୋତି ମାଲହୋତ୍ରାଙ୍କ ସଂପର୍କରେ ନୂଆ ନୂଆ ଚାଞ୍ଚଲ୍ୟକର ତଥ୍ୟ ସାମନାକୁ ଆସୁଛି ।
ଜ୍ୟୋତି ମାଲହୋତ୍ରାଙ୍କ ଇନଷ୍ଟାଗ୍ରାମ ଆକାଉଣ୍ଟ ଖୋଜିବା ପରେ ଜଣାପଡିଛି ଯେ ପହଲଗାମ ଆତଙ୍କବାଦୀ ଆକ୍ରମଣର ଗୋଟିଏ ମାସ ପୂର୍ବରୁ ସେ ଶ୍ରୀନଗର ଯାତ୍ରାରେ ଯାଇଥିଲେ। ଏହି ସମୟରେ ଜ୍ୟୋତି ମଧ୍ୟ ପହଲଗାମ ଯାଇଥିଲେ। ଜାନୁଆରୀରେ ଶ୍ରୀନଗର ଗସ୍ତ କରିବା ପରେ, ସେ ମାର୍ଚ୍ଚ ମାସରେ ପାକିସ୍ତାନ ଯାଇଥିଲେ। ଅଭିଯୋଗ ହୋଇଛି ଯେ ଜ୍ୟୋତି ମାଲହୋତ୍ରା ପାକିସ୍ତାନ ହାଇକମିଶନରେ କାର୍ଯ୍ୟରତ ଦାନିଶ ନାମକ ଜଣେ ଅଧିକାରୀଙ୍କ ସହ ସମ୍ପର୍କରେ ଥିଲେ। ଏହି ଅଧିକାରୀ ଜଣକ ଜ୍ୟୋତିଙ୍କୁ ପାକିସ୍ତାନ ପଠାଇଥିଲେ। ସୂଚନାଯୋଗ୍ୟ ଯେ ଏହି ଗୁପ୍ତଚରବୃତ୍ତି ମାମଲାରେ, ପଞ୍ଜାବ ଏବଂ ହରିୟାଣାର ମାଲେରକୋଟଲାରୁ ମୋଟ ୬ ଜଣ ପାକିସ୍ତାନୀ ଗୁପ୍ତଚରଙ୍କୁ ଗିରଫ କରାଯାଇଛି।
ଜ୍ୟୋତି ମାଲହୋତ୍ରା ଗତବର୍ଷ ପୁରୀ ଆସିଥିଲେ ଓ ଶ୍ରୀଜଗନ୍ନାଥ ମନ୍ଦିର ଓ ପୁରୀ ସମୁଦ୍ରକୂଳର ଭିଡିଓ ନିଜ ଇନଷ୍ଟାଗ୍ରାମ ଓ ୟୁଟ୍ୟୁବ ଚ୍ୟାନେଲରେ ଅପଲୋଡ କରିଥିଲେ ।