ହିର୍ଲି ପର୍ଯ୍ୟଟନସ୍ଥଳୀର ବିକାଶ ଦିଗରେ ନିଆଯିବ ପଦକ୍ଷେପ: ମନ୍ତ୍ରୀ
ନବରଙ୍ଗପୁର ସହର ଉପକଣ୍ଟରେ ଥିବା ହିର୍ଲି ପର୍ଯ୍ୟଟନସ୍ଥଳୀର ସାମଗ୍ରୀକ ବିକାଶ ଓ ସୌନ୍ଦର୍ଯ୍ୟକରଣ କରିବା ପାଇଁ ଆବଶ୍ୟକ ପଦକ୍ଷେପ ନିଆଯିବ। ଆଜି ନବରଙ୍ଗପୁର ଗସ୍ତରେ ଆସିଥିବା ବାଣିଜ୍ୟ ଓ ପରିବହନ ମନ୍ତ୍ରୀ ବିଭୂତି ଭୂଷଣ ଜେନା କହିଛନ୍ତି। ସେ ହିର୍ଲି ପାହାଡକୁ ସକାଳୁ ବୁଲିବାକୁ ଯାଇଥିଲେ। ତାଙ୍କ ସହ ନବରଙ୍ଗପୁର ବିଧାୟକ ଗୌରୀ ଶଙ୍କର ମାଝୀ, ବିଜେପି ଜିଲ୍ଲାସଭାପତି କୁଜଂ ବିହାରୀ ଦାଶ, ଅତିରିକ୍ତ ଜିଲ୍ଲାପାଳ (ରାଜସ୍ବ) ବିଶ୍ଵଜିତ ବର୍ମନ୍, କାଉନସିଲର ଏ ସତୀଶ, ଅମିତ ପ୍ରଧାନ, ଶର୍ମିଷ୍ଟା ଦେଓ, ଶୁଭମ୍ ଚୌଧୁରୀ ପ୍ରମୁଖ ଉପସ୍ଥିତ ଥିଲେ।