ରାଜ୍ୟ ସରକାରଙ୍କ ବଡ଼ ନିଷ୍ପତ୍ତି: ପୁରୀ ହେବ ମହାନଗର ନିଗମ

ଭୁବନେଶ୍ବର: ମହାପ୍ରଭୁଙ୍କ ପବିତ୍ର ରଥଯାତ୍ରା ଅବସରରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆଜି ବଡ଼ ଘୋଷଣା କରିଛନ୍ତି। ଆଧ୍ୟାତ୍ମିକ ସହର ‘ପୁରୀ’କୁ ମହାନଗର ନିଗମରେ ପରିଣତ କରିବା ପାଇଁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି ବୋଲି କହିଛନ୍ତି। ପୁରୀ ସହରକୁ ପ୍ରତିଦିନ ଲକ୍ଷଲକ୍ଷ ଭକ୍ତମାନଙ୍କର ଆଗମନ ଓ ଏଠାକାର ଆବଶ୍ୟକତାକୁ ଦୃଷ୍ଟିରେ ରଖି ରାଜ୍ୟ ସରକାର ଏହି ନିଷ୍ପତ୍ତି ନେଇଛନ୍ତି। ପୁରୀରେ ବିଶ୍ବସ୍ତରୀୟ  ଶ୍ରୀଜଗନ୍ନାଥ ସଂଗ୍ରହାଳୟ, ପାଠାଗାର ଓ ଗବେଷଣା କେନ୍ଦ୍ର ହେବ ବୋଲି ମୁଖ୍ୟମନ୍ତ୍ରୀ କହିଛନ୍ତି। 

ରାଜ୍ୟ ସରକାର ମହାନଗର ନିଗମ ସଂଖ୍ୟା ବୃଦ୍ଧି କରିଛନ୍ତି। ବର୍ତ୍ତମାନ ପାଇଁ ଭୁବନେଶ୍ବର, କଟକ, ବ୍ରହ୍ମପୁର, ସମ୍ବଲପୁର ଓ ରାଉରକେଲାରେ ମହାନଗର ଶାସନ ବ୍ୟବସ୍ଥା ଥିବା ବେଳେ ପୁରୀ ସହରକୁ ଏହି ତାଲିକାରେ ଯୋଡ଼ିଛନ୍ତି। ପୁରୀ ସହର ଏହି ତାଲିକାରେ ଯୋଡ଼ି ହୋଇଯିବା ପରେ ଏହାର ଆକାର ବୃଦ୍ଧି ପାଇବ। ଏଠାକାର ଜନତା ଏବଂ ପର୍ଯ୍ୟଟକମାନେ ଆହୁରି ଅନେକ ସୁବିଧା ପାଇପାରିବେ।